Anib ti Nakem

Gupgop dagiti ir-iruken ti nakem, ir-iriken ti rikna --an-anib dagiti agal-alintok ken agkatangkatang a parmata

Saturday, October 09, 2004

Pannimid (ken ni Asseng)

adda no kua degges ti sirmata
nga al-alintok dagiti nakem, a dita
matagikua, umay latta no kua
dagiti ayek-ek, no agpannimidka
iti pataguab dagiti libnos a di matagikua.

adda no kua dagiti dimo mauray
a kubuar, dagiti malmalday
a pus-ong, agkulaisegda a naynay
iti sapsapinan nga ur-ay ti sennaay.
dagiti di mariput nga upal ken upay ken liday.

adda no kua ibolsam nga isem
a kayaw ti panemnemem
a kidday nga umel-el ken umem-em
ngem allilawennaka ti sutil a saem
dagiti lagip nga umagibas dita nakem.

agpagus latta nga agkaradap
ti agdegges a pannimid a nagalgalip
ti sumarsungkar a sigsiglotam a lagip
ray-aw a di manawnaw ken magatadan a palludip.


10 Comments:

At 6:05 AM, Blogger asseng said...

ney, pimmanablaagka metten, dln, hehe

 
At 8:52 PM, Blogger rva said...

nagsiaaten, tanud, ta pimmanablaagka metten, hehehe! mayat daytoy a rinugiantayo, mangbukeltay' ti virtual gumil blog, hehehe!

mayat toy template a napilim....


rva

 
At 5:39 PM, Blogger rva said...

atanud, nayonamon daytoy nakapannimidmon, hehe! matektekankamin a mangpadpadaan kadagiti kapanunotan ken an-anek-ekem nga ipanablaagmo....


rva

 
At 7:34 PM, Blogger asseng said...

hm, siak ti dakdakamaten ni dln. ti la makitkitana daytoy a lalaki, hehe.

 
At 7:35 PM, Blogger asseng said...

siak sa, kunak koma

 
At 1:11 AM, Blogger joel said...

ne, naalam met tay rikriknaek, abalayan, he he!

 
At 6:20 PM, Blogger jim agpalo, jr. said...

nattanganak a nakapannimid a mangur-uray iti nayunna, yusot! yannan tay nayunna??

 
At 10:18 PM, Blogger rva said...

wen, ngarud, atanud, ukasemon ta pannimid ket matektekankamin... :-)


rva

 
At 11:16 PM, Blogger rva said...

napanamon nay, atanud?

parigatennaka kadi ni anib iti rabii nga agtempla ken agpadede?

;-)

rva

 
At 11:03 AM, Blogger ariel said...

dear dan:
stupid me, ditoyka met gayam a mabirokan. i never knew about this blogging thing except on the newspapers of democratic and republican banters--well, except now. kusto ken kumusto tay kuna ni adi a roy: virtual gumil of the bestest sa metten daytoy pamay-anyo?
maysa a tangguap para kenka ken ni anib ken ni melda.
Manong A

 

Post a Comment

<< Home