Anib ti Nakem

Gupgop dagiti ir-iruken ti nakem, ir-iriken ti rikna --an-anib dagiti agal-alintok ken agkatangkatang a parmata

Sunday, March 13, 2005

agalikuno ti rikna

(sungbat ken Manong Noli)


saan no kua a mapukaw ti lagip
uray napunasen ti dalan a kimmalkalipkip
aguddog latta dagiti ligay ti panawen

kas iti panaglulumba a tumaray dagiti iliw
saan a nagkalubbon ti puso, dimo kad’ nadlaw
ti panagsangpet ken panagpanaw dagiti bulong

ipintam latta dagitoy iti uged wenno tugot
dagiti di aggibus a karayo ken karab-as ni ayat
tiliwen nga ibaut ti ipus ti batombalani

di agkupas dagiti uban wenno isem
di aggibus dagiti agtabon a malem
gargarien ti agal-alintok a singed ken ngayed

ti pintek ken bitek ti kumarkarayo a rikna
a mangtalunton kadagiti siglotam pay nga arem mata
nga ilubbonmo iti pedalam a keddel ti unnoy.

kasla makitkitak ti agbuabubuabo iti sang-atan
wenno tumaptapok nga uges ti pagsalogan
a pagsabatan ti agpa-Nalasin ken agpa-Salbang

kumkummiapet dagiti dapirusem a taptapuyo
iti panagal-al dagiti agal-alikuno nga ungngo
dinto agkupas dagiti tugot nga ibatim iti kadaratan.

Pebrero 20, 2005
4:00 pm/lpi ofis

8 Comments:

At 9:31 PM, Blogger asseng said...

narayus aya ti rikna ni el balo? hehe

 
At 7:46 PM, Blogger rva said...

sumgarak man kadagita a binnatogmo, tanud dln! nagimnasen, aya!

sinno, aya, ti apol op da ay ita ni mang noli?

masdaawak man, kas kadi met ken lilong berto angco a kasla metten agbungger a tinedier a mangsarsarigsig (sa) ken manang djuna, bweheheh!

 
At 7:50 PM, Blogger asseng said...

classmatenan sa kano idi high school a dina naarame. after ti mano a tawen, nagsarakdan ket nagkalubbondan iti bisikleta, hehe.

apay, sarsarigsiganna pay laeng aya, mang rva? dida pay kad' nagapon? nakasaganan san ti baki, hehe.

 
At 6:10 PM, Blogger ANIB said...

kammo man no kasano a narayus--ti ammok naotso, hehehe.
madi kanon no di suktan ti baro a rimna, bwahahaha.
maymayat kano ti kayetket ti balo, dakayo, inkissiim ni miks, hehehe.
agpayso kadi ti damag ni manangko a d----. mayat koma no dobol weddingen kada el balo.

 
At 9:03 PM, Blogger rva said...

asseng, agpayso 'ya? wen sa ta basaenyo laengen ti daniw ni lilong bert ket kasla isuda metten?

 
At 9:34 PM, Blogger ariel said...

makakiki ti pribado a lengguaheyo.
diak mabatok. what you say, the three of you, ha? maybe i have been away for so long, wha'd you think?

anyways, nagpipintas dagiti sirmatayo a tallo. sapay da diyo pagbaawen ti poetic sensibilityyo.

 
At 4:28 AM, Blogger asseng said...

hehe, iti daniwna iti bannawag, nagkibindan a nangkalabkab ken nagalimpatok iti pantok ti bantay.

apo lung-aw, ginnumil daytoy tungtongan. ni el balo noli dumlao, kumasar manen, tay inarem-matana idi agtutubo.

ni met apo edilberto angco, kakibinna kano metten ni manang djuna alcantara a balasang daydi apo pel alcantara a barkada ti immuna.

 
At 5:29 PM, Blogger asseng said...

playboyen ni el balo. adda kano manen ar-armenna idiay lasam, hehe.

 

Post a Comment

<< Home