Anib ti Nakem

Gupgop dagiti ir-iruken ti nakem, ir-iriken ti rikna --an-anib dagiti agal-alintok ken agkatangkatang a parmata

Thursday, August 04, 2005

Napaksuyan Dagiti Dapan Ken Gemgem

awit ti napaksuy a dapan ti kettang
dagiti dagsen ken dagensen ti lubong.
uray la a napukaw dagiti timek
nagrabrabii ti dir-i ken anek-ek
nagkaykaysa dagiti inep ti boses
iti ayala ken paseo de roxas.
naktang dagiti naitag-ay a gemgem
saan a makaem ti sakit ti nakem
uray agsasallupang dagiti maris
ti mabuniagan a krisis ken risiris
awan nailangitan a sakripisio
awan dagiti bimmaba iti trono
nagtalinaed ti dagensen a deggang
ken dagsen ti padeppa ti malakaniang.
immuneg pay dagiti sugat ti nakem
awit latta, wen, ti sanaang ken saem
ti napaksuyan-nautuyan a dapan
iti dagsen ken dagensen a di kimsen
agsasamusam, wen, ti sugat ti ili
anian a babantot a di mailili.


Hulio 21,2005/3pm huebes

8 Comments:

At 8:16 PM, Blogger timpuyog-ilokano-mannurat said...

Bravo, malalaki a mannaniw!

 
At 8:17 PM, Blogger timpuyog-ilokano-mannurat said...

Bravo, malalaki a mannaniw, estoryador--ken aminen! Agasem!
Manong A

 
At 6:52 PM, Blogger jim agpalo, jr. said...

hmmm... eskrima dagiti dila, kunam

 
At 1:08 AM, Blogger rva said...

nagimas nga idir-i iti kalsada daytoy a daniwmo, atanud...

 
At 6:32 PM, Blogger ANIB said...

agyamanak unay aapong. makiin-innagaw ni anib iti keybord, isu a diak makapagkonsentaryt.
ala, bareng, ad-adunto pay maikur-it.

 
At 11:56 AM, Blogger ariel said...

Daniel, napanamon? Naturog metten daytoy blogmo?

 
At 6:00 AM, Blogger tandyjackson9838411931 said...

Get any Desired College Degree, In less then 2 weeks.

Call this number now 24 hours a day 7 days a week (413) 208-3069

Get these Degrees NOW!!!

"BA", "BSc", "MA", "MSc", "MBA", "PHD",

Get everything within 2 weeks.
100% verifiable, this is a real deal

Act now you owe it to your future.

(413) 208-3069 call now 24 hours a day, 7 days a week.

 
At 11:57 PM, Blogger ariel said...

agpostka ngaminen, napanamon?

 

Post a Comment

<< Home